【想男朋友娶你？學下國民老婆衛詩雅咁貼地先】
之前用左陸永同馬國明兩個例子去比你睇下咩叫做好男人，咁女人呢🤔？如果你想男朋友娶你，你自問做唔做到衛詩雅咁？
你話：「我好愛男朋友架！」、「我可以為佢做咩都得。」，可能你心目中既理想老公係咁樣，但男唔同女，搵第二個女人愛佢有幾難？邊個都做到啦🤷🏻♀️要由女朋友變成老婆，令對方有定落黎、成家立室既諗法，除左愛佢...仲要睇你本身夠唔夠吸引力，係咪最令佢心動既人。
就好似衛詩雅咁，雖然咁多年黎曾經有好多人勸過佢轉行，不過佢話：「我就係中意做戲。」，一個咁努力、有目標既小妮子，喺茫茫港女裡面...好耀眼。
1. 貼地冇公主病
衛詩雅唔係咩名校畢業，唔係大富人家，亦唔係極之紅既藝人，平時會照樣踢拖、唔梳頭、唔化妝就咁落街篤魚蛋、買餸。巴士、地鐵係佢主要代步工具，有咩事都親力親為，唔會亂咁洗錢，電話壞左拎去整都唔買過部新，想游水會去沙灘，想著新衫就借sponsor既衫。佢好中意打機，例如玩傳說對決、英雄聯盟，同一個麻甩少女冇分別。
就算佢依家因為《失眠》多左人認識，佢依然少少明星架子都冇。因為佢知道收左工都只係普通人，做返自己最真、最實際。所以人地既高貴典雅喺佢身上睇唔到，反而同大家距離好近。
👉🏻一個明星都願意咩都靠自己對手，相信你都得。唔使樣樣搵另一半，自己要證明比大家睇你都有能力。
2. 孝順家人
衛詩雅喺上水太平邨大，屋企有一個家姐、三個細佬，爸爸係一名地盤工人。有網民話見過衛詩雅爸爸，佢地成日一齊食飯，佢爸爸知道佢受左傷即刻好緊張，可見大家感情幾深。
佢話好對唔住屋企人，曾經試過有段時間冇收入，所以喊住咁多謝屋企人仍然肯支持自己。到依家出左名都冇忘記屋企，成日都會陪家人，係乖乖女黎。
👉🏻你對屋企人好，自然識得點照顧人，愛心係由細節可以睇得出
3. 堅持奮鬥
衛詩雅畢左業做過珠寶行業，之後為電視劇《四葉草之盛裝舞步愛作戰》做角色試鏡，結果入圍並對演戲產生興趣，之後更加簽約成為英皇旗下，不過佢既演藝路唔係好平坦。
入行十年唔係紅亦唔係冇人認識，不過佢仍然好比心機、好認真繼續做，冇放棄過。無論主流定獨立電影都會爭取出鏡機會，令人好敬佩佢既敬業精神。
作為一個觀眾覺得佢演繹得唔錯，幾帶到觀眾入戲，但佢之後仲繼續鑽研、學習，想再進步。佢話自己唔中意停落黎，所以會喺得閒嗰陣係咁學新野考牌，佢有潛水牌、導遊牌、鑽石鑑定、船牌、中醫初級證書等。
👉🏻就算女人都唔等於弱者，女人都有自己興趣、擅長既野，唔好比人睇死，如果唔係最後會變到咩都冇，孤獨一個
如果你做到佢咁叻，咁獨立，咁你就係一個好老婆喇，當然你仲要好好對待另一半啦。
Search